| Главная » Статьи » Qiziqarli ma'lumotlar |
Bu qiziq..
 -Овоз
режиссери Кевин О’Коннел "Оскар” мукофотига номзод бўлган энг омадсиз
ижодкорлардан бири саналади. Унинг номзоди 1983 йидан то 2007 йилгача
жами 20 марта нуфузли танловга қўйилган, лекин бирон марта ҳам "энг
яхшиси” деб тан олинмаган. -Солвейг Крейг – сув ости кемаси капитани бўлган биринчи аёл. 1995 йилнинг 11 сентябрида KNM Kobben кемаси капитани этиб тайинланган Солвейг хоним Норвегияда ва айни пайтда дунё тарихида кема экипажини бошқарган биринчи аёлга айланган. -Тайванлик Цай Яо-Пин калитсиз қулф яратди. 3та қарсак, 2 марта ер депсиниш ёки 2 хил имо-ишора қулфнинг очилиши учун етарли бўлади. Аниқроғи унга ўрнатилган микрочип 3 хил харакатни фарқлай олиш хусусиятига эга. -Францияда ўлик никоҳдан ўтиш мумкин. Гап шундаки, агар тўйгача келин ё куёв кутилмаганда оламдан ўтиб қолса ҳам никоҳни қонунийлаштиришнинг иложи бор. Бунинг учун томонлардан бири шахсан президентга мурожаат қилиши керак. Президент эса ўз навбатида унга рози ёки қаршилигини маълум қилади. Статистика маълумотларига кўра, шу пайтгача бундай мурожаатларнинг аксарияти ижобий қондирилган. -Олимларнинг бир неча йиллик тадқиқотлари қушлар орасида ҳам худди инсонлардаги сингари урушқоқ ва жанжалкашлари бўлишини тасдиқлади. Одатда ота-онасидан кам меҳр кўрган болаларда шундай салбий ўзгаришлар кузатилади. Бундан чиқди, қушларга ҳам меҳр бериш керак экан-да?! -Инсон танасининг 2 фоизи асаб толаларидан иборат. Бир умр кишидан катта эътибор талаб қиладиган асаблар учун бу жуда кам, шундай эмасми?! Manba:Darakchi Gazetasi | |
| Просмотров: 1377 | |
| Всего комментариев: 0 | |