| Главная » Статьи » Qiziqarli ma'lumotlar |
Лаб бўёқнинг антиқа тарихи
 Ер юзадаги илк одамлар ҳам танасини турли рангларга бўяган. Минерал бўёқлар зарарли эканини билгач, уларни ҳайвон ёғлари билан аралаштирадиган бўлишган. Қадимги қишлоқлардан биринчи қазиш натижасида бўёқ изларини топишган ёғ ва бўёқ воситаси қоришмаси. Таркибига кўра, у лаб бўёғини эслатарди. Лаб бўёғининг кашф қилингани учун мисрликлардан миннатдор бўлишимиз керак Бу косметик воситадан қадимги Юнонистон ва рим гўзаллари жон деб фойдаланишган. Афсонага кўра, гўзалликнинг энг биринчи ҳаками Троя шоҳининг ўғли Парис бўлган экан. Зевс унга ўзаро бахслашаётган маъбудалар Гера, Афродита, Афинадан қайси бири гўзалроқ эканини аниқлашни буюрган. "Энг мафтункор” ёзувли олмани Парис Афродитага топширган. Кўп ўтмай унинг пудра ва лаб бўёғи ишлатиши маълум бўлган. Қадимги Мисрда лаблар янада аниқ кўриниши учун ёрқин ва тўқ ранглардан фойдаланишган. Мисрликлар ҳатто ўлаётгада ҳам ундан айрилишни истамаган: севимли лаб бўёғи билан кўмилишни маъқул кўришган. Аммо ўрта асрларда лаб бўёғи мисрликлар ҳаётидан узоқ вақтгача чиқариб ташланди. XVII асрда Англия парламенти шундай қарор чиқарди: агар эр тўйдан сўнг хотинининг тўйдан аввалгидек чиройли эмаслигини (чунки илгари у пардоз – андоз қилган) сезиб қолса, хотинига "тузалиш”га имкон ҳам бермай бемалол ажралиши мумкин. XVIII асрда Францияда лаб бўёғи фақатгина табиий моддалардан тайёрланган ва улар фақатгина эркаклар учун аталган. Людовик XVI даврида эркаклар соч – соқолидан ажралиб туриши учун лаб бўёғи суртишган. ХХ аср бошларига келиб аёллар лаб бўёғидан фойдаланиш имконига эга бўлишди, лекин ҳамма аёллар фойдалана олишмаган, балки енгилтак аёллар. Яхши номи бўлган гўзалларнинг бу тахлит пардозни қилиши салбий қабул қилинган. Лаб бўёғининг иккинчи марта туғилиши мутахассисларнинг фикрича, Амстердамдаги бутун жаҳон кўргазмасида 1903йилда содир бўлган. Кийик ёғидан қилинган косметик воситани кўпгина аёллар муносиб баҳолашган. Шунингдек, Машҳур актриса Сара Бернар ҳам. Лаб бўёғи бугунги кўринишини олиши учун 30 йилдан ортиқ вақт керак бўлди. 1915 йилда АҚШда лаб бўёғи илк марта ҳозирги кунда ҳар бир аёлнинг сумкасидан топиш мумкин бўлган қулай тюбикда чиқарилди. Кино пайдо бўлди ва косметика олдида "яшил чироқ”ни ёқди. Лаб бўёғини суриш ҳам ҳақиқий санъатга айланди. Бу соҳанинг ўз услубчилари пайдо бўлди. Турли фирмалар лаб бўёғини ишлаб чиқара бошлади. Аёллар лаб бўёғи одамларга ёқиш учун катта ёрдам беришини тушунишди. 1930 йилларда чиққан лаб бўёғининг рекламасида ишга кираётган аёл учун помада "плюс” экани айтиларди. | |
| Просмотров: 1109 | |
| Всего комментариев: 0 | |