| Главная » Статьи » Qiziqarli ma'lumotlar |
MTC Toshkent sudining qaroridan norozi....
 МТС компаниясининг Ўзбекистондаги шўъба корхонаси атрофидаги вазиятга аниқлик киритиш ва уни ҳал қилиш мақсадида 30 июль куни Ўзбекистон Республикаси президенти Ислом Каримов номига расмий мурожаатнома йўллади. Бу ҳақда МТС матбуот хизмати маълум қилади. МТС компанияси "Ўздунробита” ХК МЧЖ, яъни МСТнинг Ўзбекистондаги 100% шўъба корхонаси (МТС- Ўзбекистон) лицензиясининг тўхтатилишини асоссиз деб ҳисоблайди. Операторнинг қайд этишича, "Ўздунробита” ХК МЧЖ Ўзбекистон Алоқа ва ахборотлаштириш агентлигининг буйруғида кўрсатилган барча талабларни бажарган, дея хабар беради Uzdaily. "2012 йил 27 июль куни Ўзбекистон Алоқа ва ахборотлаштириш агентлиги Тошкент шаҳар Хўжалик судига бундан олдин 10 иш кунига тўхтатилган "Ўздунробита” лицензиясини яна уч ой муддатга тўхтатиш ҳақидаги даъво билан мурожаат қилган. "Ўздунробита” ўз вақтида тартибга солувчининг барча талабларини тегишли тарзда бажаргани тўғрисида ҳисоб берган бўлишига қарамасдан, ЎзААА лицензияни янгидан узоқроқ муддатга тўхтатишни талаб қилган”, - дейилади операторнинг хатида. МТСнинг билдиришича, агентликнинг ўзбек компанияси лицензиясини яна уч ой муддатга тўхтатишга қаратилган хатти-ҳаракатлари ноқонуний ва асоссиздир. Эслатиб ўтамиз, Тошкент шаҳар хўжалик судининг 30.07.2012 йилдаги қарорига кўра, "Ўздунробита” ХКга уяли алоқа хизматларини кўрсатиш учун берилган лицензиясини тўхтатиш муддати яна 3 ойга чўзилди. ЎзААА тарқатган маълумотга кўра, компания Тошкент шаҳри ва Тошкент вилоятидаги учта радиореле линияси оралиғининг ноқонуний фаолиятини деярли тўхтатмаган. Manba:Uzfayl.com | |
| Просмотров: 1095 | |
| Всего комментариев: 0 | |