Эрон пойтахти Теҳрон шаҳрида ўсмирлар ўртасидаги Осиё чемпионатининг биринчи ярим финал учрашуви ниҳоясига етди. Унда майдон эгалари - мезбон мамлакат Эрон ўсмирлари Ўзбекистон ўсмирларига қарши майдонга тушдилар.

Қизиқарли кечган баҳсда 2:3 ҳисоби қайд этилиб Ўзбекистон термасининг ғалабаси билан якунига етди. 

Аввалига эронликлар ҳисобни очишди. 5-дақиқада Саидмажид Ҳусайний жамоасини олдинга олиб чиқди. Кейин эса катта саҳнага Ўзбекистон ўсмирлари чиқишди. Достонбек Ҳамдамов 13-дақиқада, Иззатилла Абдуллаев 35-дақиқада ҳамда Отабек Шукуров 43-дақиқаларда биттадан гол киритиб ҳисобни 1:3 кўринишига олиб келишди. 

89-дақиқада Амирмуҳаммад Мазлум Эронинг иккинчи голини киритишга муваффақ бўлди. Учрашув ҳаками ўйиндаги тўхталишлар учун тўрт дақиқа қўшиб берди. Ҳимоячиларимиз ишончли тарзда ўйин кўрсатиб, ушбу ҳисобни ушлаб қолишга эришдилар, 2:3. 

Шундай қилиб, Ўзбекистон ўсмирлари Осиё чемпионатининг финалига йўл олишди.

Осиё чемпионати U-16, ярим финал
Эрон - Ўзбекистон — 2:3
Голлар: Саидмажид Ҳусайний (5), Амирмуҳаммад Мазлум (89) - Достонбек Ҳамдамов (13), Иззатилла Абдуллаев (35), Отабек Шукуров (43).

Манба: www.uff.uz