ФИФА бош котиби Жером Валькнинг айтишича, мухлислар орасида ўтказилган сўровнома якунларига кўра, Бразилияда 2014 йилда ўтказиладиган жаҳон чемпионатининг расмий тўпи Brazuca деб аталадиган бўлган.

Бразилияликлар тилида португалча "бразука" сўзи "бразилиялик" сўзининг синоними сифатида қўлланилади. Шу сабабли ҳам мухлислар ушбу номни қабул қилганлар.

"Бразилиялик мухлислар 2014 йили бўладиган жаҳон чемпионати рамзларидан бирига ном қўйишда иштирок эта олганларидан бениҳоя хурсандман.

Ишончим комилки "Бразука" футбол тарихида худди "Танго" (1978 йил, Аргентина) ва "Ацтека" (1986 йил Мексика) каби ўринга эга бўлади", дейди Вальк ФИФАнинг расмий сайтига берган интервьюсида.

Шу ўринда эслатиб ўтамиз, расмий тўпга ном беришда миллиондан ортиқ мухлис иштирок этди. "Бразука" номи етмиш фоиз овоз тўплади ва "Босса Нова" ва "Карнавалеска" номларини ортда қолдиришга муваффақ бўлди.

Манба: www.sports.ru   

Manba: ww.Uff.uz