Ўзбекистон футбол федерацияси расмий сайтининг хабарига кўра, Ўзбекистон терма жамоаси 6 июнь куни кундузи Ливан терма жамоасига қарши ўйинни ўтказиш учун Байрутга учиб кетади. Бу ҳақда Ўзбекистон Терма жамоаларни тайёрлаш маркази директори Асқар Толибжонов ЎФФ Матбуот хизматига маълум қилган.

«Ливандаги нотинч вазиятни янада яхшилаб ўрганиш учун Эронга қарши ўйиндан олдин вакилимизни Байрутга жўнатган эдик», - дейди Толибжонов.

«У Байрутда бўлиб қайтди. Ливан пойтахти тинч. Чегарада нотинч вазият бўлса-да, маҳаллий ҳокимият ва Ливан Футбол Уюшмаси бизга 100 фоизлик хавфсизликни кафолатлаб, расмий мактуб ҳам ёзишди».

Ўзбекистон терма жамоаси 8 июнь куни чартер рейс билан Тошкентга қайтиб келади. 35 кишидан иборат делегацияга Терма жамоалар маркази директори Асқар Толибжонов раҳбарлик қилади.

Фото манбаси: www.the-uff.com

Манба: www.the-uff.com