"О Марям, Марям” фильмда Марям образининг болаликдан то умрининг сўнгигача босиб ўтган йўли ёрқин ифода этилади. Хаёт кураш майдони... ушбу атама фильмда нечоғлик ўз исботини топганини гувоҳи бўласиз. Фильмда севимли қаҳрамонингиз билан бирга куласиз, бирга йиғлайсиз. Касал онасини қўлида ўсиб улғаяётган Марямнинг болалик даврлари отасини қўмсаш ва кутиш билан ўтади. Чунки отасининг ўз оиласи ҳам бор. Отаси ва онасининг ёшликда қилган хатоси туфайли Марямнинг болалиги қийинчилик билан ўтади. Отаси ҳар замонда келар ва бир зумда кетиб қоларди. Келганда ҳам ота онасининг уруш жанжали Марямни кўнглини ғаш қиларди. Кунлардан бир кун онаси ўлим тўшагида ётади. Марям эса отасини олиб келгани унинг уйига боради. Афсуски отасининг уйига киролмайди. Эрта тонггача дарвоза ёнида ётган Марям отасининг уйда эканлигини ва ататйин чиқмаганини билиб қолади. Отасининг шофёри уни уйига олиб боради. Афсуски уйга келганида онасининг жони узилган эди...
