Юлдуз Усмонова ниҳоят, Туркияда концертлар бўйича талабгор юлдуз даражасига етди. Илк яккахон концертини Истамбулда Яшар билан тақдим этган хонанда орадан озгина фурсат ўтиб, илк яккахон концертини бирон турк ҳамкасбининг "кўмаги”сиз тақдим этди. Денгиз бўйидаги очиқ концерт залида минглаб мухлислар йиққан хонанда мана энди навбатдаги катта синовга ҳозирлик кўрмоқда. 20 октябр куни Истамбулнинг Картал Бўлент Эчевит Маданият Марказида ўтказилиши режалаштирилган концертга бу гал Туркия ҳукумат ташкилотларининг ўзи ҳомийлик қилмоқда. Ёрқинроқ ижод қилишда Истамбулни нишонга оладиган турли мамлакатлардан келадиган юзлаб қўшиқчилар орасидан Юлдуз Туркия маданият вазирлигининг эътиборини тортгани эса шов-шувли воқеа. Юлдузнинг айтишича, концертда энг янги тароналар жаранг сочади! Жасур Manba:shov-shuv.uz