Ispaniyada kuchli qor yoqqani sababli aholi yo'llarda harakatlanishga qiynalmoqda. Kommunal xizmatlarning bunday holatga tayyor emasligi yo'ldagi noqulayliklarni keltirib chiqarmoqda. Frantsiya Alplarida esa qor aholini xursand qilyapti. Ushbu mavsumda bu yerda birinchi qor yog'ishi, yaqin orada tog' chang'i stantsiyalari ishga tushadi.

Italiya janubi esa tornado ostida qoldi. Bundan eng ko'p aziyat chekkan Taranto shahri bo'ldi. Ko'p binolarning oynalari singan, ko'chalarda mashinalar ag'darilgan, daraxtlar singan. Kuchli shamol qurilish kranini sindirdi— u mahalliy zavodlardan birining ustiga qulab tushdi. Oqibatda uch nafar ishchining bedarak ketgani yana 30 nafari jabrlangani xabar qilinmoqda.

Buyuk Britaniyadagi suv toshqini esa yangidan yangi xududlarni qamrab olyapti. Mamlakat bo'ylab 2000 ta turar-joy suv ostida qolgan. Oksford esa butunlay suv ostida qolgan. Sinoptiklar ob-havo hali beri yaxshilanmasligini aytmoqdalar.