Калифорнияда гольф ўйналадиган майдонларидан бирида оғирлиги 1 килограмм келадиган акула топилди. Гольф мажмуаси ходимларининг таъкидлашича, ҳали бундай ғаройиб ҳодисага дуч келинмаган. Акула ўтлоқда қанча ётгани номаълум, аммо топилганда ҳали тирик эди. Уни дарҳол сувли челакка солдилар. Акула танасида йиртқич қуш тирноқлари излари қолган экан. Тахмин қилинишича, у гольф майдони устидан учиб кетаётган йиртқич қуш панжаларидан тушиб кетган бўлиши мумкин. Акулани бўғозга элтиб, қўйиб юбордилар ва у дарҳол сузиб кетди.